ግንቦት 3 ቀን 2018

ትኩረት ለፖለቲካ እና የሕሊና እስረኞች!

የኦህዴድ ብልጽግና አገዛዝ የምርጫ የአስመሳይነት ድራማ እና በአማራ ማንነታቸው ብቻ ለዓመታት በግፍ እስር ላይ የሚገኙ እና አሁን በገፍ እየታፈኑ የሚገኙ የፖለቲካ እና የሕሊና እስረኞች ጉዳይ!

አሁንም እንላለን ~ ትኩረት ለሁሉም የፖለቲካ እና የሕሊና እስረኞች ይሁን!

ደካማ ፣ ግልፅነት የጎደለውና ፖለቲካዊ መልክ የያዘው የሽብር ክስ በተግባር በገለልተኛ አካላት እየታዬ አይደለም።

ይልቁንስ ለመንግስት በወገኑ ፣ ግለጽ እና ስውር የማጥቃትና የማዳከም ተልዕኮውንና አላማውን ተቀብለው ሌት ተቀን እየደከሙ ነው።

እነዚህ ለሆዳቸው ያደሩ አካላት በአብዛኛው ለልጆቻቸው ለነገ ታሪክና ለትውልዱ አይጨነቁም! እዳ ናቸው!

የፍትህ ስርዓቱን በፀረ አማራ የሀሰት ትርክትና በጭፍን ጥላቻ ያደጉ የአገዛዙ አስፈጻሚዎች ሰዎችን በማንነታቸው እየለዩ በሁለንተናዊ መልኩ እንደማጥቂያና ማዳከሚያ አድርገው እየተጠቀሙት ይገኛሉ።

“እኔ ከሞትኩ ሰርዶ አይብቀል” አይነት የአህያዋ መንገድን የሚከተለው በራስ መተማመን የጎደለው ይህ የጭካኔ አገዛዝ የሰው እልቂት ፣ ጅምላ እስር እና መፈናቀል ምንም አይመስለውም ፤ እንዲያውም ደስ ይለዋል።

ግልጽ እና ሕጋዊ አካሄድን አይጠቀምም ፤ ሆነ ተብሎ ድምፅ አልባ በማድረግ ለማጥቃት ያለመ የተለመደ ዘረኛ አካሄድን እየተከተለ መቀጠልን ነው የመረጠው።

“የዘገዬ ፍትህ እንዳልተሰጠ ይቆጠራል” እንዲሉ ሆነተብሎ በማዘግየት ፍትህ እንዳይሰፍን ማድረግ ስርዓታዊ መገለጫው ነው።

በመቶዎችና በሽዎች የሚቆጠሩ ዜጎችን በማንነታቸው አፍኖ ያለፍትህ አግቶ የያዘ አገዛዝ ስለ ምርጫ ቢያወራ ትርጉም የለውም ፤ ቀልድ እና ግልጽ ማጭበርበር እና ማወናበድ ነው!

ዳሩ ምርጫ ተመረጠ አልተመረጠ ትርጉም የለውም ፤ በአገዛዙ መውረድ እንጅ በስልጣን ላይ መቆየት የሚባባስ እንጅ የሚለወጥ ነገር አይኖርም!

የአማራም ሆነ አጠቃላይ የኢትዮጵያ ሕዝብ በአብይ አህመድ አገዛዝ መውረድ እንጅ በስልጣን ላይ መቆየት ከጅምላ እልቂት ፣ ከመፈናቀል ፣ ከእገታ እና እስር ያለፈ ነገር አይጠበቅም!

በመጨረሻም ፦
አገር አቀፍ እና አለም አቀፍ የሆናችሁ የሰብአዊ መብት ተቆርቋሪ ተቋማት፣
ሲቪል ሶሳይቲዎች እና መንግስታዊ ያልሆናችሁ ድርጅቶች ፣

የመገናኛ ብዙሃን ተቋማትና ጋዜጠኞች ፣ አክስቲቪስቶች ፣ ታዋቂ ግለሰቦች ፣ ልዩ ልዩ አደረጃጀቶች

የፖለቲካ ፓርቲዎች ፣

ከፍ ሲል ደግሞ የአማራ ሕዝብ እና ፍትህና ሀገር ወዳድ የሆናችሁ በሀገር ውስጥና በውጭ የምትኖሩ ወገኖች
በሙሉ ፦

ይመለከታችኋልና የግፍ እስረኞችን ደግፏቸው ፤ ድምፅ ሁኗቸው!

የችሎት ውሎ መረጃ

በእነ ሰለሞን ፍቃዱ መዝገብ ፥

ተከሳሾች ግንቦት 3/2018 ፍ/ቤት ቀርበዋል።
መዝገቡ የተቀጠረው በመዝገቡ የተካተቱ ተከሳሾች እንዲከላከሉ በሚል ነበር።

ይሁን እንጅ ተከሳሾች ፥

1. አባ ሳሙኤል ማ/ቤት ከጠበቃ ጋር እንዳንገናኝ ስለከለከለን እንዲሁም
2. ግልባጭ ስላልመጣልን ለመከላከል ስለተቸገርን ተለዋጭ ቀጠሮ ይሰጠን ብለው በጠየቁት መሰረት ፍ/ቤቱ ለሰኔ 8/2018 እንዲከላከሉ ቀጠሮ ይዝዋል።

በተመሳሳይ ችሎት የቀረቡት በጋምቤላ ክልል የብሄር ግጭት እንዲከሰት አድርገዋል ፤ ተሳትፈዋል በሚል የተከሰሱ 44 ሰዎች ቀርበው ነበር።

የክስ መቃወሚያ ብይን ለመስማትም ለግንቦት 11/2018 ተቀጥረዋል።

(አውሎግሶን አንድነት ፣ ግንቦት 3/2018)

May 8, 2026 – ሚያዝያ 30 ቀን 2018

ሰው በማንነቱ አይቀጣ ፤ ከሁሉም በፊት ሰብአዊነት ይቅደም ፤ ሰብአዊነት ይከበር!

~ የእስረኞች ጥሪ!

አማራዊ ማንነታቸው እንደ ወንጀል ተቆጥሮ በግፍ እስር ላይ የሚገኙ የፖለቲካ እና የሕሊና እስረኞች ሕክምና የማግኘት መብታቸው ይከበር ፤ ማ/ቤቱ የተቋረጠባቸውን መድኃኒት ሊያቀርብ እና ሕክምናቸውን በሀኪሞች ትዕዛዝ መሰረት ሊያስቀጥል ይገባል! እነዚህ እና መሰል የፖለቲካ እና የሕሊና እስረኞች የአገዛዙ ፀረ አማራ ተልዕኮ አስፈጻሚ በሆኑ እና ኃላፊነት በጎደላቸው መርማሪዎች የደረሰባቸውን ድብደባ ተከትሎ በገጠማቸው የጤና ችግር እና ፍትህ በጎደለው እስር የተነሳ ከፍ ያለ ዋጋ እየከፈሉ ከሚገኙት መካከል ጥቂቶቹ ናቸው። የገጠማቸውን ፈርጀ ብዙ የጤና ችግር ተከትሎ ከብዙ እንግልት እና ልመና በኋላ በፍ/ቤት ትዕዛዝ ሕክምና አግኝተው በሆስፒታል ደረጃ ክትትል እየተደረገላቸው ነበር ፤ የማይቋረጥ መድኃኒት ታዞላቸው እየወሰዱም ነበር።

ከቂሊንጦ ወደ አባ ሳሙኤል ማ/ቤት ተወስደው የሕክምና ክትትላቸው ከተቋረጠባቸው እና በተለያየ ሕመም ከሚሰቃዩት በርካታ የፖለቲካ እና የሕሊና እስረኞች መካከል ፦

1. እንዳሰኘው ክበብ ፣
2. ሸጋው ምሀባው ፣
3. ስንታየሁ ንጋቱ ፣
4. አማረ መለሰ ፣
5. ቸርነት እሸቱ ፣
6. ላቀው ሞገስ ፣
7. ወርቁ ገብሬ እና ሌሎችም ይገኙበታል።

እነዚህ ተከሳሾች ፦

1. በከፍተኛ ሕመም እየተሰቃዩ መሆናቸው እየታወቀ ፣
2. የሆስፒታል ክትትል ያላቸውና
3. የቤተሰብ ቅርብ ክትትል የሚያስፈልጋቸው መሆኑ እየታወቀ ከቂሊንጦ ማ/ቤት ለእስረኞች ፣ ለቤተሰብም ሆነ ለጠበቆች ምቹ ወዳልሆነው አባ ሳሙኤል ሊወሰዱ አይገባቸውም ነበር።

ከተወሰዱ በኋላም ፦

የታዘዘላቸው መድኃኒት ሊቀርብላቸው እና የሕክምና ክትትሉ ሊቀጥል ይገባው ነበር። ውሃን ጨምሮ በቂ ምግብ በሌለበት እና በሕግ ተጠያቂ መሆኑ ቢቀር እንደ ሰው የሞራል ተጠያቂነት ስለማይቀር ለሕመምተኛ በማይሆን ፎቅ ላይ ሊታሰሩ አይገባም ነበር።

6. መሪጌታ በላይ አዳሙ፣
7. ታደሰ መለሰ እና
8. ሻንበል አድማሱ አለሙ ከእድሜያቸው እና ካለባቸው የጤንነት ችግር አንጻር በተሻለ እና ቤተሰብ ሊደግፋቸው በሚገባ ቦታ ሊታሰሩ ሲገባ ወደ አባ ሳሙኤል ተወስደው ለተጨማሪ እንግልት መዳረጋቸው ሰብአዊነት እና ኃላፊነት የጎደለው ተግባር በመሆኑ ሊስተካከል ይገባዋል።

አሁንም በእነዚህ ሕመምተኞች ላይ ያለውን የሕክምና ችግር ቸል በማለት ኃላፊነትን አለመወጣት ተጠያቂነትን አይቀሬ ያደርገዋል። ወደነበሩበት ቂሊንጦ ሊመለሱና የሕክምና እና የቤተሰብ የቅርብ ድጋፍ እንዲደረግላቸው የቂሊንጦ ማ/ቤት ኃላፊነቱን እንዲወጣ እንጠይቃለን ። በቂሊንጦ ማ/ቤት በግፍ እስር ላይ እንዳለ በሕክምና ጉድለት የተነሳ እንደሞተው ወንድማችን እንደ አቶ አባይነህ አለማየሁ እንዳናጣቸው ስለምንሰጋ አስቸኳይ መፍትሄ እንዲሰጣቸው እንፈልጋለን! የአማራ ብሎም የሰብአዊነት ጉዳይ ያገባናል የምትሉ የሁሉንም አካላት ትኩረት ከምንጊዜም በላይ እንሻለን! ሕክምና ማግኘት አገር እና አለም አቀፍ ድንጋጌዎች የሚደግፉት የሰብአዊ መብት ጉዳይ ነው!

ከሁሉም በፊት ሰብአዊነት ይቅደም ፤ ሰብአዊነት ይከበር!

አማራነት ወንጀል አይደለም!
ዜጋን በማንነት እየለዩ ማጥቃት ይቁም!

   ፍትህ ለሁሉም!

(አውሎግሶን አንድነት ፣ ሚያዝያ 30/2018)

ሽሮሜዳ ምን ተፈጠረ?
ሽሮ ሜዳ አካባቢ የተሽከርካሪዎች እንቅስቃሴ ተገድቧል፣ በርካታ የፀጥታ አካላት ይታያሉ፣ የተከሰተው ምንድን ነው?

በአዲስ አበባ ከተማ ጉለሌ ክፍለ ከተማ ልዩ ስሙ “ሽሮ ሜዳ” ተብሎ በሚጠራው አካባቢ ተገኝ ባልቻ (ኦሮሮ) የተባለ ወጣት በአንድ የፖሊስ አባል በትናንትናው ዕለት ተተኮሰ ጥይት ህይወቱ ማለፉን መሠረት ሚዲያ ከአካባቢው ነዋሪዎች እና ከቅርብ ወዳጆቹ ሰምቷል። ሟች ተገኝ ባልቻ ቀደም ሲል በሽሮ ሜዳ አካባቢ ስኬታማ የነጠላ ነጋዴ እንደነበርና ራሱንና ቤተሰቡን ከመደገፍ አልፎ ለጓደኞቹና ለተቸገሩት ደራሽ እንደነበር ይነገራል። ይሁን እንጂ በልማት ምክንያት የንግድ ሱቁ በመፍረሱና ንብረቱ በመጥፋቱ ለከፍተኛ የገንዘብ ኪሳራና ለስነ-ልቦና ቀውስ መዳረጉን ግለሰቡን የሚያውቁት ለሚድያችን ዛሬ ተናግረዋል። ይህንን ተከትሎ በገባው ከፍተኛ ቁጭትና ንዴት ውስጥ ሆኖ፣ ከአንድ ወር በፊት “ሞተር ተራ” ተብሎ በሚጠራው ስፍራ ከአንድ የፖሊስ አባል ጋር በፈጠረው አለመግባባት ለቀናት ታስሮ እንደነበር ታውቋል።

የእስር ቤት ስቃይ እና የአባት ሞት
ወጣቱ በቁጥጥር ስር ውሎ በነበረበት ወቅት አባቱ ከዚህ አለም በሞት የተለዩ ሲሆን፣ ተገኝ የአባቱን የቀብር ስነስርዓት እንኳን ሳይታደም በእስር ቤት ውስጥ ሆኖ ሀዘኑን እንዲያሳልፍ መገደዱ ታውቋል። ከሳምንታት በፊት በዋስትና ተፈቶ የአባቱን መቃብር በመጎብኘት ሀዘኑን እየተወጣ ባለበት ወቅት ነው ድንገተኛው የግድያ ጥቃት የደረሰበት።

የግድያው ሁኔታ ፦

“ትናንት ሚያዝያ 29 ቀን 2018 ዓ.ም ተገኝ ከጓደኞቹ ጋር በለመደበት ስፍራ ተቀምጦ እያለ በፓትሮል መኪና የመጡ የጸጥታ አካላት “ለጥያቄ ትፈለጋለህ” በሚል ወደ ሽሮ ሜዳ (02 ጣቢያ) ወሰዱት” የሚሉት አንድ ጉዳዩን በቅርበት የሚያውቁ የአካባቢው ነዋሪ ናቸው። መረጃዎች እንደሚያመለክቱት፣ ቀደም ሲል ከሟች ጋር ፀብ ነበረው የተባለው የፖሊስ አባል በጣቢያው በር ላይ በነበረበት ወቅት ሽጉጡን አውጥቶ አራት ጊዜ በመተኮስ ወጣቱን ህይወቱን እንዲያልፍ ካደረገ በኋላ ከአካባቢው መሰወሩ ተነግሯል። “ሽሮሜዳ ትላንት አንድ የጋሞ ተወላጅ በፖሊሶች ተገድሎ በመሞቱ አካባቢው ውጥረት አለ፣ መንቀሳቀስ አልቻልንም።
መኪና ማለፍ ተከልክሏል፣ ሰፈሩ በሙሉ በፖሊስ ተከቧል፣ ለቀስተኛው ግድያውን ሲቃወሙ እየተሰሙ ነው” የሚሉት ሌላኛው ስሜ አይጠቀስ ያሉ የአካባቢው ነዋሪ ናቸው።

“ፍትህ እንፈልጋለን”

የአካባቢው ነዋሪዎችና የሟች ወዳጆች በድርጊቱ እጅግ ማዘናቸውንና ድርጊቱን የፈጸመው የህግ አስከባሪ በህግ እንዲጠየቅ ድምፃቸውን እያሰሙ ይገኛሉ። “የሰው ልጅ ነፍስ ዋጋ እያጣ ነው” የሚሉት ቅሬታ አቅራቢዎች፣ መንግስት በህግ ስም የሚፈጸሙ መሰል ጥቃቶችን እንዲያስቆም ጠይቀዋል። መሠረት ሚዲያ ጉዳዩን በተመለከተ ከሚመለከታቸው የፖሊስ አካላት ተጨማሪ መረጃ ለማግኘት ጥረት እያደረገ ይገኛል።

Via መሠረት ሚድያ

(አውሎግሶን አንድነት ፣ ሚያዝያ 30/2018)

ለዓመታት ይፋዊ የሆነ መንግስታዊ ጦርነት እየተካሄደበት ያለውን ሰፊውን የአማራ ሕዝብ መታደግን የሚያህል ትልቅ ስልጣን የለም ፤ ሊኖርም አይገባም! ~
(ለአማራ የሕልውና ታጋዮች!)

የአማራ ፋኖ የጀመረውን አንድነት አጠናክሮ በመቀጠል በተባበረ ክንድ ጠላትን በማሸንፍ ለሕዝብ መድረስ ይኖርበታል! ከዛ ውጭ በተለይ ከሰሞኑ በጎንደር በጀግንነት ከተሞላው ተጋድሎ ባሻገር እየሰማነው ያለው ፋኖዎችን ወዳልተገባ ግጭት እያስገቡ ዋጋ እያስከፈሉ ያሉ አጀንዳዎች ተለይተው ማስተካከል ያስፈልጋል። ከሕልውና ትግሉ አንጻር ሲመዘኑ የሚያስወቅሱ ፣ የሚያስለኩ እና ከዘላቂነት አንጻርም ብዙ የማይጠቅሙ አጀንዳዎችን እየጣሉ በማለፍ የተጀመረውን ስር ነቀል የለውጥ ትግልን ፍጻሜ በማሳመር እንደተለመደው ደማቅ እና አኩሪ ታሪክ መጻፍ ያስፈልጋል!

አማራ በአቅም እና በችሎታ ነው የሚያምነው! አቅም እና ብቃት ያለው ታጋይ እንጅ በመንደር እየተመራረጠ ይምራ ብሎ አያምንም ፤ ይህ ከአማራ ሕዝብም ከታጋዩ ፍላጎትና አላማ ውጭ ነው! ቶሎ ማስተካከል ግድ ይላል! ሁሉም ኃላፊነቱን ይወጣ! የአማራ ሕዝብ ጠላት አላነሰውም! አንተ ትብስ እኔ የአማራ ሕዝብ ጠቃሚ ባህል ነው! እኔ ቀድሜ ልሙት አንተ ከኋላዬ ሁን እያለ ራሱን አሳልፎ ለሞት እየሰጠ ያለ ጀግና ታጋይ በማይረባ መጠላለፍ በር እየከፈተ ወንድም ከወንድሙ ጋር የሚያደርገው ብሽሽቅ ከፍ ሲሉም መታኮስና ጀግናን መገበር ለማንም አይመጥንም ፤ አሳፋሪም ነው ፤ መፍትሄ ይፈለግለት! ስልጣን እርስት አይደለም! አደራ ብዙ አንጨነቅለት! አንጣላበት! አጀንዳ አናድርገው! በተለይ የከባቢ የስልጣን ፉክክር አሳፋሪ ነው! ዋናው ውድ የሆነ የሕይወት ዋጋ እየከፈላችሁ ያላችሁት የእናንተ ነው! መቻቻል ግድ ነው! ሁሉም የሚችል ቢሆን እንኳ ሁሉም ሰው መሪ አይሆንም! በአንጻራዊነት አይተን እከሌ ምራን እንላለን! በመፈቃቀድ ይሁን! ደግሞ ነገ ሌላ ቀን ነው! ሕዝብ ደግሞ ያያል! ይታዘባል!

መጀመሪያ የአማራ ሕዝብ እንዲኖር የተጀመረው ትግል ተጠናክሮ ይቀጥል ፤ እኛ ሞተንም ቢሆን ትውልድ ይዳን የሚልም ነው የትግሉ አላማ! ካለፍን ደማቅና የማይሞት ፣ ወገንን የማያሳፍር የታሪክ አሻራ ጥለን እናልፋለን ፤ አልፈን ለትውልድ እናሳልፋለን ፤ የፈጣሪ ፍቃድ ተጨምሮበት በሕይወት ከተረፍን ደግሞ ስልጣኑን እንደ ስራችን ከታላቅ ሕዝባዊ ምስጋና ጋር ከሕዝብ ነው የምናገኘው!

በተለይ በስልጣን ‘እኔ ነኝ አንተ ነህ’ እያሉ እርስ በርስ መነታረክ ፣ መቧደንም ሆነ መታኮስ ትግሉን ይጎተዋል ፤ የመከራ እና የእልቂት ጊዜያችንን ያራዝማል! እየጨፈጨፈን ላለው አረመኔ ጠላት በር መክፈት ነው! ስለዚህ ተቆርቋሪ ወገኖችም በፍጥነት ጣልቃ ግቡና ምከሩ ፤ ፈትሹና አስተካክሏቸውም! የስህተት ፣ የጥፋት መንገድን መከተል ለማንም አይጠቅምም! አማራ ብሎ ጠላት እያጠቃን ስለሆነ ሌላ ቦታ የተከፈለ ልብ ፈጽሞ አይኑረን! እየከፋፈሉ አቅም የሚያሳጡንና አንስማ በርም አንክፈት! የቤታችን በር ከከፈትን በኋላ ብልጽግና ገባብን እያልን መናገሩ አይጠቅመንም! አማራ አንድ አንገት ነው ያለው! ዘወትር ነቅቶ እንደ ዐይኑ ብሌን ሊጠብቀውና ሊንከባከበው የሚገባ አንድ የመዳኛ በር አለው! እሱም አማራዊ አንድነቱ ነው ፣ እሱን ባልተከፈለ ልብ ማጠንከር ተገቢ ነው! ከዛ ውጭ ያለው የትውልድ ቦታ ነው! በሁሉም ቦታ ያለው ግን በደሙም ፣ በወግና ባህሉም አንድ አማራ ነው!

ፋኖ የማይደራደርባቸው ቀይ መስመሮቹን በተመለከተ ግልጽ አቋሙን እያሳወቀ ለጥሩ አፈጻጸም ትግሉን ያፋፍም! በትግል ጎታች ድርጊት ውስጥ ፈጽሞ አንሳተፍ! ግድ የላችሁም እርስ በርስ መተማመኑ ከዚህ በላይ ከፍ ይበል ፤ እየጨፈጨፈን ያለው ጠላትም ይፈር ! እጣፈንታችን ተመሳሳይ ስለሆነ እና ብዙ የጋራ ጉዳዮች ስላሉን ገና ከብዙ አካላት ጋር በመተማመን መንፈስ ጭምር አብረን እንሰራለን! ፖለቲካ ስለሆነ ሕዝባዊ ጥቅምንና መርህን ፣ ቅድመ ሁኔታንና ቀይ መስመሩን ባለቀቀ መልኩ ከተማመኑበት አካል ጋር ስልታዊ ትብብር ሊኖር ይችላል። ፖለቲካ ዝግ አይሆንም!

የአማራን ሕዝብ በፈሪ አንባገንን ፣ በዘረኛው እና አረመኔው የኦህዴድ ብልጽግና አገዛዝ እየተፈፀመበት ካለው እልቂት ከማትረፍ በላይ ትልቅ ስልጣን የለም!

 ድል ለፋኖ ፣ ድል ሰፊው የአማራ ሕዝብ!
   ክብር ለጀግኖች ሰማዕታት ይሁን!

(አውሎግሶን አንድነት ፣ ሚያዝያ 30/2018)

ይህ ምስል የአገዛዙን ፀረ አማራነትና አረመኔነትንም በግልጽ የሚያሳይ ነው።

ለ3 ዓመት ገደማ ያለፍትህ በግፍ እስር ላይ የሚገኙት የተከበሩ ዮሃንስ ቧያለው የአዋሽ አርባ የስቃይ ፎቶ ብዙዎችን አሳዝኗል ፤ የአገዛዙን ፀረ አማራነትና አረመኔነትንም አሳይቷል። ለ3 ዓመት ገደማ ያለፍትህ በግፍ እስር ላይ የሚገኙት የተከበሩ ዮሃንስ ቧያለው የአዋሽ አርባ ወታደራዊ ካንብ ቆይታን በግልጽ የሚያሳይ ፎቶ ሾልኮ በወጣበት ወቅት ብዙ ማነጋገሩ ይታወሳል። አሁንም ይህ አካላዊ መጎሳቆልን የሚያሳይ ፎቶ የብዙ ማህበራዊ ሚዲያ ተጠቃሚዎችን ስሜት የነካ ስለመሆኑ ከሚያጋሩት አስተያየት ለመረዳት ይቻላል። ከብዙ አስተያየቶች የሰብአዊ መብት ተሟጋቹ ከአቶ ያሬድ ኃይለማርያም አስተያየት “ኢትዮጵያ ያለፉትን ጨካኝ ሥርዓቶች በብዙ እጥፍ የሚያስንቅ ክፉ አገዛዝ ላይ ወድቃለች።” የሚለው ይገኝበታል።

አቶ ያሬድ አስተያየት የሚከተለው ነው ፦

በግፍ ያሰሩትን እና በሕግ ጥላ ስር የዋለን እንደ አቶ ዮሐንስ ቧያለው ያሉ የፖለቲካ እስረኛን ከአዋሽ አርባ የበርሃ እስር ቤት እስከ ቅሊንጦ በየማጎሪያው እያንከራተቱ፣ እያሰቃዩ፣ ጨለማ ቤት እያቆዩ፣ ህክምና ከልክሎ፣ ንጽሕና ከልክሎ፣ በዚህ ደረጃ ማሰቃየት ከበቀለኝነት፣ ከጭካኔና ከግፈኝነት የዘለለ ምን መገለጫ አለው? በማህበራዊ ድረገጽ እየተዘዋወረ ያለውን ጉስቁልናቸውን የሚያሳይ ፎቶ ሳይ የአንድ አገር የእስረኞች አያያዝ አገሩን እያስተዳደረ ያለውን መንግስት ባህሪና ለሰው ልጆች ያለውን ግምትና ደረጃ ያሳያል የሚለውን አገላለጽ ትውስ አለኝ።

ኢትዮጵያ ያለፉትን ጨካኝ ሥርዓቶች በብዙ እጥፍ የሚያስንቅ ክፉ አገዛዝ ላይ ወድቃለች። …ይላል። በተመሳሳይ ብርሃኑ ይግለጡ የተባለ የማህበራዊ ሚዲያ ተጠቃሚም በገጹ ላይ የሚከተለውን አስፍሯል። አንዳንድ ምስሎች ሲታዩ ከዚህ ከያዝነው ትግል በላይ አምርረን እንድንታገል የበለጠ በመቶ እጥፍ እንድንጨክን የሚያደርጉ ወይም ማድረግ እንዳለብን የሚያሳዩ ናቸው ።

የተከበሩ አቶ ዮሃንስ ቧያለው እንዲህ የጭካኔ ጥግ የሚፈጸምባቸው ፦

1. አማራ በመሆናቸው ፣
2. የዘር ማጥፋት እንዲፈጸምበት አዋጅ በታወጀበት እና እየተፈጸመበት ያለው የአማራ ህዝብ ወኪል በመሆናቸው ነው።

አቶ ዮሀንስ ቧያለው ወንጀል የሆነባቸው የአማራ ህዝብ ለምን ይገፋል ብለው ጥያቄ በምክር ቤት ማቅረባቸው ብቻ ነው ። ይህ ምስል የበለጠ ጥርሳችን ነክሰን ጨክነን እንድንታገል የሚያደርጉ ምስሎች ናቸው ሲል የተሰማውን አጋርቷል። በእነ ዮሃንስ ቧያለው መዝገብ ከ52 ተከሳሾች መካከል 16ቱ ብቻ በእስር ላይ ይገኛሉ ፤ ሌሎች በሌሉበት የተከሰሱ ናቸው። ከመካከላቸውም አቶ ዮሃንስን ጨምሮ የሕዝብ እንደራሴዎች ፦ አቶ ክርስቲያን ታደለ ፣ ዶ/ር ካሳ ተሻገር ፣ ፖለቲከኛ ዶ/ር ጫኔ ከበደን ጨምሮ ጋዜጠኞች እና ሌሎች ነፖለቲካ እና የሕሊና እስረኞች ለ3 ዓመት ገደማ በግፍ እስር እስር ላይ ይገኛሉ ። በአጠቃላይ አሁን ላይ ቢያንስ ከ300 በላይ የአማራ ማንነት እስረኞች በተለያዩ የፌደራል ማ/ቤቶች በተንዛዛ ፍትህ ምክንያት ብዙዎች እንደሚሉት መያዣ በሚመስል መልኩ ታግተው ይገኛሉ። ለዐቃቤ ሕግ ምስክር እና ለሰነድ ማስረጃ ብይን በሚል ለሁለተኛ ጊዜ ለግንቦት 28/2018 መቀጠሩ ይታወቃል።

ፍትህ ለሁሉም ይሁን!

(አውሎግሶን አንድነት ፣ ሚያዝያ 30/2018)

አገር ሲያረጅ …..May 5, 2026

“እስኪ ምኒልክ መጥቶ ያድንህ…በታሪክ አጋጣሚ አዲስ አበባን አቆሽሻችኋት ነበር ፤ አሁን ቆሻሻዋን እያፀዳን ነው ፤ እናንተ ዲያስፖራ ነን የምትሉ የአማራ እርዝራዥ ናችሁ የቀራችሁን እናንተም በቅርቡ እናፀዳችኋለን። “የኦህዴድ ብልጽግና አገዛዝን ተልዕኮ በመፈፀም አማራን እያጠቁ ካሉ መሪማሪዎች መካከል አንዱ የተናገረው ነው። የምኒልክ ዘር የመሆኑ የአማራነት ማንነቱ ተጠቅሶ በምርመራ ስም ከፍተኛ የሰብአዊ መብት ጥሰት ስለተፈፀመበት አንድ ካናዳዊ ሰው ከዚህ እንደሚከተለው ዳሰሳ እናቀርባለን። እሱባለው በለጠ ብርሃኔ ይባላል ፤ የ39 ዓመት ጎልማሳ ነው። በባህር ዳር ከተማ ቀበሌ 4 ነው ተወልዶ ያደገው። ከሀገር ተሰዶ እና የዜግነት መብቱ ተጠብቆ በሚኖርበት በካናዳ ቶሮንቶ በኤሌክትሪካል ኢንጅነሪንግ በማስተርስ ተመርቆ በግራውንድ ቴክኒሻን ባለሙያነት ለ 3 ዓመት ያህል ሰርቷል።

ጳጉሜ 3/2017 ዓ.ም ከካናዳ ቶሮንቶ ወደ ኢትዮጵያ የመጣው የእናቱን የሙት ዓመት ከቤተሰብ ጋር ሆኖ ለመዘከር እና ባ/ዳር ከተማ የገነባውን ቤት (G+3 Gust House) ለማስመረቅ ነበር። ታዲያ የመጣበትን ተግባር ፈጽሞ ከ 27 ቀናት ቆይታ በኋላ መስከረም 24/2018 ወደ ካናዳ ቶሮንቶ ለመመለስ ሁሉን ቅድመ ሁኔታ አጠናቆ ከምሽቱ 5:30 ለመብረር በቦሌ አለም አቀፍ አውሮፕላን ማረፊያ ተገኝቷል። በዚህ ሁኔታ እያለ ነው ሁለት ሲቪል የለበሱ የደህንነት አካላት በአየር መንገዱ ውስጥ በቅርብ ርቀት ሆነው እየተከታተሉት ስለቆዩ ለበረራ ‘ኢምግሬሽን ቼክ ኢን’ ላይ ለፍተሻ ከመድረሱ (ከምሽቱ 4:10) ” ተመሳሳይ ፓስ ፖርት የገባ እንዳለ እያሳዬን ስለሆነ እና እሱንም ለማጣራት ስለምንፈልግ ጠብቀን ይሉታል። ሰዓቱ እየሄደ ነው ፤ ሰዎቹ ከተወሰነ ቆይታ በኋላ ተመልሰው በመምጣት ‘ተመሳሳይ ፓስ ፖርት ስላሳየን ነው ይቅርታ እስከዛው ድረስ ወደ ቢሮ እንሂድ’ ብለው እዛው አየር መንገድ ግቢ ወደ አንድ ክፍል ይወስዱታል። ከወሰዱት በኋላ ግን እሱን አስቀምጠው በመውጣት በውጭ በኩል በሩን ቆለፉበት ፤ እሱባለውም ስልኩ እጅ ላይ ስለነበር ሁኔታውን ለሚቀርቡት ቤተሰቦቹ ይገልፅ ነበር።

“አገር ሲያረጅ ጃርት ያፈራል” እንዲሉ ኢትዮጵያ በማይመጥናትና በማይገባው ጭንብላም አረመኔ እጅ ወደቀች ፤ ስምንት የስቃይ ዓመታትን አስቆጠረች። አገር አረጀች መሰል የልጆቿን ደም በማፍሰስ ግፍ ሰርተው የማይረኩ በጭካኔያቸው ወደር የሌላቸውን እነ አቢይ አህመድንና ጀሌዎቻቸውን አፈራች ፤ ያማል! የኦህዴድ ብልጽግናን ፀረ አማራ ተልዕኮን እየፈፀሙ ያሉት ደህንነቶችም በሩን ከቆለፉ በኋላ በመገናኛ ሬድዬ ‘የእሱባለው በለጠ ሻንጣ ይውረድ’ የሚል መልዕክት ስለማስተላለፋቸው ከውስጥ ሆኖ ሰምቷል። ሰዓቱ ሄዷል ፤ በረራውም ተስተጓጉሏል ፤ ከ 1 ሰዓት ገደማ ቆይታ በኋላም እሱባለው ያለበት ክፍል በሩ ተከፍቶ የፌደራል ፖሊስ በር ላይ እየጠበቀህ ነው በማለት ከእገታ ክፍሉ አስወጥተው አስረክበውታል። በደብል ቢካፕ መኪና በብዙ የፌ/ፖሊሶች እና ደህንነቶች ተከቦ በግምት ለ50 ደቂቃ ያህል በአዲስ አበባ ውስጥ ባልታወቀ ቦታ ወስደው ምድር ቤት ባለ ክፍል ካቆዩት በኋላ የአገዛዙ ፀረ አማራ ተልዕኮ ወደሚፈፀምበት ሜክሲኮ እስር ቤት ወስደውታል።

በፌ/ፖ/ወ/ም/ቢሮ~ ሜክሲኮ ለ 2 ወር ያህል እና በአምስተኛ ፖሊስ ጣቢያ (ልደታ ጎማ ቁጠባ) ደግሞ ከ 15-20 ቀናት ያህል ካሰሩ በኋላ ነው ከታህሳስ ወር 2018 ጀምሮ ወደ ቂሊንጦ ማ/ቤት የወሰዱት። በሕግ ሽፋን ከባድ ምርመራ የተደረገው ከታሰረ ከ20 ቀናት በኋላ ጥቅምት 14/2018 ረፋድ ላይ በሶስት መርማሪዎች ነው ፤ በእለቱም ደብድበውታል ፤ ከደብዳቢዎቹ መካከል ሁለቱ በማንነት የኦሮሞ ተወላጆች ናቸው። በአማራ ሕዝብ ላይ ያላቸውን ጭፍን ጥላቻ እና የሀሰት ትርክት እንደ ወረደ የጋቱት ስመ መርማሪዎቹ እሱባለውን በማንነቱ የተነሳ ክብሩን ነክተውታል ፤ በተደጋጋሚ ሰድበውታል። እነ ነውር ጌጡ የአማራን ሕዝብ በጅምላ መሳደብ ያደጉበት ፣ ክፍል ውስጥ የተማሩትና የተመረቁበት ይመስላል ፤ ሰብአዊነትን አያውቋትም ፤ አረመኔነት ነግሷል ፤ ስድብ ደግሞ ጥላቻንና የሀሰት ትርክትን መመሪያ ባደረገው በአገዛዙ ዘንድ የሚሸለሙበት ፣ ዘወሮ ፣ የደረጃ እድገትና የደመወዝ ጭማሪ የሚያገኙበት ከሆነ ቆይቷል። በሽብር ወንጀል በተከሰሰው እሱባለው ላይ ድብደባ ፣ ማንነት ተኮር ስድቡ እና ዛቻው የባሰበት በአጋጣሚ ከቀሙት ስልክ የእምዬ ምኒልክ ምስል ያለበትን ቲሸርት ለብሶ ካናዳ ቶሮንቶ ላይ የተነሳውን ፎቶ በማግኘታቸው ነው። ማንነት ተኮር የጅምላ ስድባቸውን ቀጥለዋል ፤ “እናንተ ሙት አምላኪዎች ፣ እስኪ ምኒልክ መጥቶ ያድንህ ፣ ዘረ ቆማጣ ፣ ዘረኛ ፣ ለማኝ ፣ በታሪክ አጋጣሚ አዲስ አበባን አቆሽሻችኋት ነበር አሁን ቆሻሻዋን እያፀዳን ነው ፤ እናንተ ዲያስፖራ ነን የምትሉ የአማራ እርዝራዥ ናችሁ የቀራችሁን ፤ እናንተም በቅርቡ እናፀዳችኋለን” በማለት የጥላቻ መርዝ እየረጩ ነው።

ሲቀጥሉም “እናንተ ዲያስፖራዎች ስትመጡ መንግስትን ለመፈንቀል አጀንዳ ይዛችሁ ነው የምትመጡ ፤ አንድም ዲያስፖራ አገሩን ናፍቆና ሊያለማ መጥቶ አያውቅም” ይሉ ነበር ፤ በእርግጥም ከአሰልጣኞች በጥላቻ ካደጉት ከእነ የኦህዴድ ሰው አቢይ አህመድ የወረሱት እብሪትና ድንቁርና ስለ ባዶነታቸው ፣ ስለ አላዋቂነታቸው አፍ አውጥቶ ራሱ ይናገራል ፤ የዘመነኞቹ። ስለምን እንደመጣ በቪዲዮ የተደገፈ መረጃ ቢያሳቸውም እነሱ ግን “ወደ ኢትዮጵያ የመጣህው ለፋኖ ሎጅስቲክ እና ዶላር ልታከፋፍል ነው ፤ እሱንም በትክክል አረጋግጠናል” እያሉ መርምረውታል። ወደ ናዝሬት ቤተሰብ ለመጠየቅ ለደርሶ መልስ በሄደበት ወቅት ኃይሌ ሪዞርት ላይ የተነሳውን ፎቶ እያሳዩም ወደ አዳማ የሄድከው ለኦነግ ሸኔ አመራሮች ዶላር ለመስጠት ነው ፤ ለመሆኑ በቆይታህ ከፋኖ እና ከኦነግ ማንን አገኘህ? በማለት መርምረውታል ፤ በደረቅ ጣውላ (4 ማዕዘን) ፣ በከስክስ ጫማ እግር እና እጁን የፊጥኝ አስረው በደረቱ አስተኝተው ረግጠውታል። በከስክስ ጫማ አንገቱ ላይ ረግጠው ይደበድቡት ነበር ፤ ለመተንፈስ ይቸግረው እንደነበር ያስተውሳል ፤ የኢንባሲ ሰዎች ስለሚመጡ ፊቱ ላይ ምንም አይነት ምልክት እንዳይኖር አድርጋችሁ ደብድቡ ተብለው ታዘዋል። በአራት ማዕዘን ጣውላውም ሆነተብሎ ጀርባውን ፣ ወገቡን እና መቀመጫውን በተደጋጋሚ ይደበድቡት ነበር ፤ ራሱን ለተወሰነ ደቂቃ ስቶ ነበር ፤ በወቅቱ እግሩን ለማንቀሳቀስ ተቸግሮ ነበር።

የውጭ አገር ዜግነት ያለውን ሰው በአማራነቱ በዚህ ልክ ማሰቃየታቸው በሀገር ቤት በሚኖሩት ላይ በማንአለብኝነት ፣ በጭፍን ጥላቻ ፣ በድንቁር እና በእብሪት ተወጥረው እያደረሱት ያለውን ሁለንተናዊ ጥቃትማ የስቃዩን ነገር አስቡት። ለማንኛውም የካናዳ ኢንባሲ ያደረገውን ጫና ተከትሎ በፌ/ፖሊስ ሆስፒታል ታክሟል። በአገዛዙ መርማሪዎች ስለተፈፀመበት ግፍ እና በደልም የኢትዮጵያ ሰብአዊ መብት ኮምሽን (ኢሰመኮ) መርምሮታል ፤ ሪፖርቱም ለተከሳሹ እና ጉዳዩን ለሚመለከተው ለፌደራል ከፍተኛ ፍ/ቤት ልደታ ምድብ 1ኛ የሕገ መንግስትና ፀረ ሽብር ወንጀል ችሎት እንዲደርስ ተደርጓል። የሚገርመው ወደ ቂሊንጦ ማ/ቤት ከወረደ በኋላ በብዙ ልመና ወደ ቃሊቲ ጠቅላላ ሆስፒታል በመሄድ ቢታከምም የኤክስሬይ ምርመራ ውጤት በ47ተኛ ቀኑ መምጣቱን ተከትሎ የቂሊንጦ ማ/ቤት ጤና ጣቢያ መርፌ አዞለት ነበር ፤ እሱባለውም ውጤቱን አልተቀበለውም ፤ መርፌ አልወጋም ብሏል። የዘገዬው ውጤት አሁን ያለሁበትን ሁኔታ ስለማይገልፅ አልወጋም ፤ ይልቁንስ ውጤቱን ስጡኝና ለቤተሰቤ ሀኪሜ ልኬ ካረጋገጥኩ በኋላ ልወጋ እችላለሁ ቢላቸው አልፈቀዱለትምና እስካሁንም መድኃኒት አልወሰደም። መርፌውን ለመወጋት ግን ይቸኩሉ ስለነበር ጥርጣሬ ስላደረበት ከሀኪሞቹ ጋር እሰጣገባ ውስጥ ገብቶ ነበር ፤ የህክምና ውጤትና ማስረጃ ወረቀቱን አንሰጥህም ፤ መርፌውን ተወጋ ይሉት ነበር። ፍቃደኛ ባለመሆኑና የመብት ጥያቄ በማቅረቡ ‘እንደቆርቆሮ ስለጮህክ የሚቀየር ነገር የለም’ ሲሉ ጭሆቱ በዘመነኞች ቅቡልነት እንደሌለው ነግረውታል። በውጭ በግል ሆስፒታል መታከም እፈልጋለሁ ብሎ ቢጠይቅም በነዳጅ ችግር ምክንያት የግል ታካሚዎችን በግል ሆስፒታል እያመላለስን ማሳከም አንችልም ሲሉ የቂሊንጦ ማ/ቤት ኃላፊ ኮማንደር ጣሰው ግዛው እንቅጩን እንደነገሩት ያስተውሳል።

ለመሆኑ ምርመራው ስለምን ዘገዬ? እሱባለው በለጠ ከተያዘ ከ20 ቀናት በኋላ ጥቅምት 14/2018 ነው የተመረመረው። እስከዛ ምን ይደረግ ነበር? አዎ ድርድር ነበረ። ያውም በሚሊዮን የሚቆጠር የገንዘብ ድርድር። ለመሆኑ አደራዳሪው ማን ነው? ከገንዘቡ እነ ማን አሉበት? ስንት ተጠየቀ? ድርድሩስ ከሸፈ ወይስ ተሳካ? ይህን ነውር በክፍል ሁለት እንመለስበታለን። በእሱባለው ላይ የተፈፀመው ግፍ አንዱ ማሳያ ይሆናል በሚል እንጅ ስለእውነት የአማራ ተወላጅ በሆኑ የፖለቲካ እና የሕሊና እስረኞች ላይ እየደረሰ ያለው ሁለንተናዊ ጥቃት ሞትን ፣ አካል መጉደልን እና የስነ ልቦና ቀውስን የጨመረ ነው። በመጨረሻም የካናዳ ኢንባሲን ጨምሮ ሀገር አቀፍ እና አለም አቀፍ የሰብአዊ መብት ተቋማት ፣ የፖለቲካ ፓርቲዎች ፣ የመገናኛ ብዙሃን እና ሌሎች ያገባናል የምትሉ በፌስ ቡክ ላይ ሀሳቡን በመግለጹ እና በማንነቱ ብቻ በቂሊንጦ ማ/ቤት በግፍ ታስሮ የሚገኘውን እሱባለው በለጠን ጨምሮ በፌደራል ፣ በአማራ ክልል እና በሌሎች ስውር እስር ቤቶች ያለፍትህ በግፍ እስር ላይ ለሚገኙ የፖለቲካ እና የሕሊና እስረኞች ድምፅ እንድትሆኑ ተጠይቋል። ዜጎችን በማንነታቸው ብቻ እየፈረጀ የጦር ወንጀል እና የዘር ፍጅት እየፈፀመ ያለ እና ሽዎችን ያለፍትህ አግቶ የሚገኘው ጦረኛው የኦህዴድ ብልጽግና አገዛዝ አደርገዋለሁ የሚለው ምርጫ በዘላቂነት ትውልድንና ነገን ለሚያስቡ ትርጉም የለውም።

  ፍትህ ለሁሉም!

(አውሎግሶን አንድነት ፣ ሚያዝያ 27/2018)